أثرنا

نعلم الشباب أدوات الذكاء الاصطناعي ببلاش

ونصنع منهم قادة يعلمون غيرهم، واللي يثبت نفسه مكانه موجود ويانا.

هديةشرارة

مساعد يرتب يومك وعاداتك ودراستك، ويخلي شعلتك تكبر وياك. ببلاش، وبلا تسجيل.

جربها ←
هدفناالمبادرة الخضراء

فرص تعلم وعمل تخدم الشباب وبيئتهم بمشاريع عملية ومفيدة.

للداعمينشارك ويانا بالأثر

تكدر ترعى ورشة، توفر أداة، أو تحتضن متدرب. جهة داعمة، شركة، أو صانع محتوى: مكانك موجود.

راسلنا على الواتساب
دروس مجانية: خمس دروس، جربهن على راحتك
01رتب سيرتك الذاتية

اكتب معلوماتك مثل ما تحجي، والذكاء الاصطناعي يرتبها. انسخ هذا، وبدل اللي بين الأقواس بمعلوماتك، والصقه بـ Gemini أو ChatGPT أو Claude:

أنت خبير توظيف. اكتبلي سيرة ذاتية بصفحة وحدة، مرتبة وواضحة، بالعربي والإنكليزي.
اسمي: [الاسم]
الشغل اللي أدور عليه: [اسم الوظيفة]
دراستي: [الشهادة والسنة]
خبرتي: [وين اشتغلت وشنو سويت، حتى لو شغل بسيط أو تطوع]
مهاراتي: [3 إلى 5 مهارات]
اكتب بس اللي كلته، ولا تضيف أي معلومة من عندك. وبالآخر اسألني 3 أسئلة تقوي السيرة.

نصيحة: السيرة الصادقة أقوى. لا تخلي الذكاء الاصطناعي يضيفلك خبرة ما عندك.

02حضر لمقابلة الشغل

خلي الذكاء الاصطناعي يصير هو المدير ويسألك، وانت تجاوب وتتدرب قبل اليوم الحقيقي:

أنت مدير توظيف بشركة، وآني مقدم على وظيفة [اسم الوظيفة].
اسألني سؤال واحد بكل مرة، وانتظر جوابي.
بعد كل جواب: كلي شنو الزين بيه، وشنو أحسنه، بسطرين.
بعد 5 أسئلة انطيني تقييم من 10 وأهم 3 شغلات أشتغل عليها.
احجي وياي بالعراقي.

نصيحة: جاوب بصوتك مو بس كتابة، حتى تتعود على الحجي.

03اكتب برومبت صح بأربع أجزاء

البرومبت هو الكلام اللي تكتبه للذكاء الاصطناعي. كل ما كان أوضح، الجواب يطلع أحسن. أي طلب خليه أربع أجزاء:

1. الدور: «أنت خبير تسويق للمطاعم».
2. المهمة: «اكتبلي 5 أفكار ريلز لكوفي جديد بالمنصور».
3. التفاصيل: «الزباين شباب، الميزانية قليلة، وما عدنا مصور».
4. الشكل: «جدول بيه: الفكرة، أول جملة، وشنو نصور».

نصيحة: إذا الجواب ما عجبك، لا تبدي من جديد. كله «عدل كذا» وكمل وياه.

04احسب كلفة وربح فكرتك

قبل ما تصرف دينار، خلي الذكاء الاصطناعي يسألك ويحسب وياك:

أنت مستشار مشاريع صغيرة بالعراق. عندي فكرة: [اكتب فكرتك بسطرين].
اسألني 6 أسئلة، واحد بكل مرة، حتى تعرف: الكلفة أول شهر، الكلفة الشهرية، السعر، وكم زبون أتوقع.
بعدها احسبلي: الدخل، ناقص كل الكلف، يساوي الصافي. واحسبه 3 مرات: أسوأ حالة، وسط، وأحسن حالة.
وكلي بصراحة إذا الفكرة تخسر، وشنو أرخص تجربة أسويها أول.

نصيحة: صدك رقم أسوأ حالة، مو أحسن حالة.

05افحص أمان حساباتك بخمس خطوات

خطوات تراجع بيها حماية حساباتك. أشر على كل وحدة تسويها:

أشر على اللي سويته، ونكولك وين وصلت.

رجوع للموقع